Txabalina jaurtiketa atletismoaren proba bat da, gorputzak duen indarrez eta eratzen duen
abiaduraz baliatuta, eta baldintza aerodinamiko onenetan txabalina ahalik eta
urrutien jaurtitzean datzana.. Xabalina metalezko jaurtigai luze eta estua da,
forma zilindrikoa eta mutur batean punta zorrotza duena, 2,60-2,70 m luze da,
eta 800 g-ko pisua du gizonezkoetan, eta emakumezkoetan, berriz, 2,20-2,30 m
eta 600 g pisatzen du.
Atletak xabalina sokazko heldulekutik hartzen du, eta korrikaldi baten
ondoren lortutako abiadura besoaren, sorbaldaren eta enborraren potentziarekin
konbinatzen du jaurtigaia aurrerantz botatzeko, beheko gorputz-adarrak lurrean
ongi finkatu ondoren.
Jaurtiketetan lehiatzeko modua jauzietakoena bezalakoa da. Lehian hasi aurretik lehiatze-ordena zozketatu egiten da, eta beroketan ere ordena horretan egiten dira saiakuntza-jaurtiketak. Lehian, lehiakide guztiek hiruna jaurtiketa egin eta sailkapena egiten da jaurtitzaile bakoitzaren marka onena hartuta. Zortzi atleta onenek beste hiru jaurtiketa egiten dituzte. Bigarren saio horretan, parte-hartze ordena markaren arabera antolatzen da:zortzigarren marka onena duen atleta hasi eta marka onena daukanak amaituko du segida gehigarria.
TEKNIKA
Lehenik
eta behin, esan beharra dago xabalina hartzeko honako hiru heldukera mota
daudela:
Amerikarra
Finlandiarra
Zatikatua
Txabalina
jaurtiketaren ikasketarako bi zatitan banatzen dugu: Alde batetik, zati
ziklikoa eta bestetik, zati aziklikoa.
Zati ziklikoa lasterketaren hasierako
partea da, eta 5-12 pausoko lasterketa erritmikoa eta progresiboa eman ostean,
jaurtiketarako abiadura hobezina hartzea du helburu.
Zati
zikliko honetan jaurtilariak gorputz-enborra bertikala eta aurrera begira
eramango du, burua zuzen, txabalina horizontala eta kopetaren mailan eramaten
duela. Eskuin besoa ukondoa “irekita” sorbaldaren planoan eramango du eta ezker
besoa, berriz, mugimendu naturalaz.
Zati aziklikoa jaurtiketaren bigarren zatia
da eta bere helburua txabalinaren angelu zehatza eta giharreko aurre-tentsioa
egokia bilatzeko egoera biomekaniko hobezinak lortzea izango da.
Parte
honen ikaskerarako, bitan zatituko dugu berriro: kokapena eta pauso gurutzatua.
Bi kokapen
mota daude, finlandiarra eta suediarra baina guk hastapenean zentratu garenez,
hastapenerako gomendagarria den bigarren hau azalduko dugu bakarrik, hots,
kokapen suediarra.
- Bularra eskuinera begira
besoa sorbaldaren mailan.(1)
-
Txabalinaren punta kopeta mailan.(2)
-
Begirada ibilbidean, burua tente edo hobe
atzeranzko estentsio arinean.(3)
-
Aldaka albora.(4)
-
Belauna eta eskuineko oina aurrerantz.(5)
- Gorputza bertikalean edo
aurrerantzako makurdura arinaz.(6)
Pauso gurutzatua bultzada lasterketaren
azken-aurreko ezker bermatzearen inpultso gogorra da. Lasterketaren eta
amaierako bermatze bikoitzaren arteko trantsizioa da.
- Enborrak bere eskuinerako
itxiera nabarmentzen du, ukondoak eta sorbaldak ibilbidearekiko paraleloak.
Eskuineko eskua zentrura begira.(1)
-
Txabalinaren puntak kopetaren mailan jarraitzen
du.(2)
-
Begirada ibilbidean, burua atzeko estentsioan.(3)
-
Ezkerreko aldaka aurrera begira.(4)
-
Eskuineko belauna eta oina aurrerantz kokatuak.(5)
- Enborra atzerantz makurtzen
da.(6)
Eskuin-ezkerreko tartea:
- Gorputz enborra aurrera
begira; eskuin ukondoa eta sorbalda ibilbiderantz.(1)
-
Txabalinaren punta kopeta mailan(2)
-
Begirada ibilbidean(3)
-
Aldaka albora eta erretrobertsioan. Ezker aldaka
aurrean eta eskuinekoa eskuin oinen eta sorbalden lerroan.(4)
-
Eskuin belauna eta oina aurrera.(5)
-
Enborra atzerantz makurtu.(6)
- Besaurrea buruaren atzean.(7)
Ezker oinaren helduera
- Ezker besoa ezker alboan
sartzen hasten da, ezker oinak lurrarekin kontaktua hartu aurretik.
-
Ezker sorbalda ireki egiten da, enbor-gihar guztiaren
aurre-luzapena eragingo duena.
- Enborra jaurtiketaren
norabideari begira kokatuko da.
Bermatze bikoitza
- Ezker belauna ia flexionatu
gabe iraungo du.
-
Posizio honetatik aurrera jaurtitzaileak bere
gorputza ezker hankaren gainean jarriko du, zeina luzatu egingo baita
lehendabizi sorbalda eta gero ukondoa aurrera eramateko. Azken hau sorbaldaren
gainetik pasako da eta zirtada gogor batez xabalina jaurtiko du.
-
Hauxe da ordena: sorbalda-ukondoa-eskua
Finala
- Ezker oina zapal, belauna
zuzen.(1)
-
Eskuineko hanka zuzen, oinaren punta lurra
ikutzen.(2)
-
Eskuineko besoa zuzen eta erlajaturik. Eskuineko
sorbalda ezkerreko hankaren bertikalean.(3)
-
Ezkerreko besoa nahiko flexionatua, ukondoa
ezkerreko aldakaren mailan blokeatuta.(4)
-
Enborra aurrera begira. Eskuineko aldaka goian
eta blokeatuta.(5)
OHIKO AKATSAK
- Hasieran laster bizkorra egitea baina abiadura galduz joatea fase aziklikora hurbiltzen den
heinean.
- Jaurtitzailearen maila teknikoari ez dagokion abiaduran joatea (bizkorregi, alegia).
- Jaurtitzailea lasterka doala, xabalina dardarka eramatea.
- Jaurtiketa airean okerreko hanka aurreratuta izanda egitea.
- Aldaka aurrera bideratu gabe egitea besoaren ekintza.
- Ukondoa baxu izanda egitea jaurtiketa.
- Zati aziklikoan, xabalinaren punta ez geratzea atletaren aurpegiaren mailan.
- Beste eskua aurreratua ez izanda jaurtiketa egitea.
- Errotazioarekin jaurtitzea xabalina
- Xabalina gurutzatuta eramatea (punta eskuinetara eta atzea ezkerretara) edota punta atzea
baino altuago eramatea.
- Xabalinaren buztana, metalezko punta baino lehenago lurreratzea
- Xabalina jaurtiketa-zonaren kanpoan erortzea(zona hori mugatzen duten lerroetatik kanpo)
ARIKETAK
Gure ikasleak haurrak direnez komeni da atletismorako
lehen hurbilketa oinarrizko jardueren bidez egitea. Horretarako, oso
garrantzitsua da, xabalina-jaurtiketaren kasuan ere, jaurtiketa-akatsak
automatizatu aurretik zuzentzea, ikasprozesuaren fase honetan egiten diren
jardueren bidez. Izan ere, askoz hobea da egiten dena akats barik egitea, gutxi
izan arren, jarduera ugari baina inolako irizpide teknikorik gabe egitea baino.
Beraz, teknikariak eta irakasleak adi egon beharko dira akatsik egiten den ikusteko, eta akatsok zuzentzeko
ariketak diseinatu eta proposatzeko.
Hasieran pisu jaurtiketan bezala tresna bera izango da
aztergai: eskuartean erabili, bultza egin, jaurtiketa-jolasak egin…
1. Taldea bitan
banatuko dugu eta ume-talde bakoitzak zelaiaren zati batean kokatuko dira,
talde bakoitzeko bat izan ezik, beste taldeko zelaiaren bukaeran dagoen marran
kokatuko direnak(hilerria). Erabiliko duten materiala “bortex”a izango da,
hots, umeentzat egokitutako xabalina modukoa, eta ezaguna den “zelai errea”
izeneko jolasean arituko dira; pilota bortexagatik ordezkatuz.
Ume bat beste baste taldeko beste
bateri ematen dionean, bigarren hau eliminatuta geratuko da eta “hilerrira”
joan beharko da.
2. Taldea bitan
banatu(peto gorriak eta peto zuriak) eta irakasleak bortexa botako du airera.
Umeak hartzen saiatu behar dira eta euren taldekideen artean 10 pase egin behar
dituzte; bortexa lurrera jauzi gabe eta beste taldekideek hartu gabe.
3. Bi ikasleei
bortex bana emango zaie eta gainerako ume guztiak eliminatzen saiatu behar
dira, bortexa jaurtiz eta gorputzeko edozein ataletan emanez. Emanez gero, ume
hori lurrean jezarri beharko da berriro jolasteko modu bakarra bortexa ikutzea
izango da. Beraz, adi adi egon beharko da bortexa hurbiltzen den bakoitzean.
Ondoren, oinarrizko teknikak ikastea izango da
helburua, eta hauek dira ikas-prozesuaren helburu orokorrak:
Lehenengo helburua erraz maneiatzen diren
tresnak(teniseko pilotak, pikak, beisboleko materiala…) sorbaldaren gainetik
beso batez eta mugimendu zabalak eginez, jaurtitzen ikastea izango da.
4. Doiketa
jaurtiketak, zenbait distantzia eta altueratara jaurti. Arreta helburu zehatz batean
jartzeak lagundu egiten du amaierako posizio orekatua lortzen eta kate
zinetikoaren bidezko koordinazio egiten. Ariketa sorta landu bitartean,
irakasleak zenbait agindu lagungarri emango ditu: “mugimendua zabala eta luzea
egin” edo “pilota sorbalda gainetik atera”. Xumeak izan arren, horrelako
ariketek ikasle trebeenak zeintzuk diren jakiten laguntzen digute.
5. Makila
txikiak(lekukoak) aurrera jaurti, ukondoa garai izanda, eskua lekuz aldatu gabe,
kontrako hankak aurrera eginda eta gorputz-enborra zertxobait tenkatuta izanda.
6. Doiketa-jolasak:
- Lurraren gainean 1 m u 1 m-ko
itua marraztu.
- Haren barruan uztai txiki bat
jarri.
- Jaurtitzaileak 4-6-8 m-ra jarri
eta xabalina uztai barrutik pasatzen saiatu.
- Partehartzaile guztiek egin
ondoren, metro bat atzeratu abiapuntua.
- Hutsegite bi jarraian eginez
gero, kanporatu egingo da partehartzailea.
-
Itu bi jarraian egitean komodin bat lortzen da.
Bigarren helburua xabalinari ondo heltzeko gai izatea
eta xabalina eta guzti egiten diren mugimenduak eta leku-aldatzeak menperatzea
izango da.
7. Xabalina
eta guztiko askotariko lasterrak, abiadura ezberdinetan egin, xabalina
horizontal edo punta zertxobait baxuago eramanda. Laster motela eginda,
xabalina zenbait bider atzera eraman eta berriro sorbalda gainean jarri.
8. Xabalina
atzeratzean, hankak zertxobait gurutzatu eta bulkada, batez ere, oinekin egin. Xabalinari eskua erlaxatu gabe eutsi beti.
Hirugarren helburua xabalina atzeratuta jartzea eta
mugimenduen erritmoa hobetzea amaierako posiziora heldu arte izango da.
9. Oinez
lehenengo eta lasterketa motela eginda geroago, ezkerreko sorbalda
aurreratu eta, aldi
berean, urratsa luzatu. Behin eta berriro errepikatu, hasierako posiziora itzulita.
10. Lurrean
erreferentzia bat jarri eta harantz egin korrika. Heltzean, ezkerreko
hankarekin bultza
handiagoa egin eta lau bultzada indartsu eta bizkor egiten
diren bitartean,
xabalina atzera eraman. Xabalinari plano eutsi,esku-ahurra gora begira, oinak
sorbaldak baino aurrerago, sorbalda eta aldaka lerroen artean tortsio handia izanda eta begiak aurrera begira.
Laugarren helburua amaierako ekintza ezin hobeto egitea
izango da.
11. Lurrean
dagoen marka baten kontra jaurti, bi eskuekin eta buruaren gainetik.
12. Ariketa
bera, baina esku bakarra erabilita eta kontrako oina aurreratuta. Xabalinaren gainean ahalik eta denbora
luzeenean bultzada egiten eutsi, besaurre, esku eta atzamarrez baliatuz.
13. Ezkerreko
oina aurreratuta izanda, xabalina jaurti, hegan plano egin dezan saiatuz.
Jaurtiketa osoaren teknika eta gauzatze-erritmoa
gehiago hobetzea izango da bosgarren eta azken helburua.
14. Abiadura
gero eta handiagoan jaurtiketa osoak egin, jaurtiketaren lehenengo zatiaren
(lasterketa eta prestatzea) eta bigarrenaren (gorputzaren balazta eta
gorputz-atalen azelerazio sinkronizatua) arteko azelerazioa ondo koordinatzen
saiatu. Erritmoari ez ezik, azken berme tinko eta biziei, amaiera
zabalari eta gorputzaren ezkerreko aldearen balazta bortitzari ere arreta
handia eman behar zaie.
iruzkinik ez:
Argitaratu iruzkina