Jauzilariak,
korrikaldi baten ondotik eta oin baten gainean oldar eginez, jauzi horizontal
bat egiten du, ahalik eta distantziarik handiena lortu ondoren hobian
erortzeko.
Araudiari dagokionez, luzera-jauzia luzera zehatzik ez duen lasterketa batekin
hasten da eta bi baldintza edo muga jartzen dira:
– Bulkada egin
behar da oldar-oholaren gainean dagoen plastilinaren atzetik.Plastilinan
arrastoren bat utziz gero, jauzia baliogabea izango da.
– Behin jauzia
eginda, gorputzaren edozein atalekin hondarretan egindako arrastoen aurretik
irten behar du atletak. Horrela egin ezean, jauzia baliogabetu egiten da.
– Jauziak neurtzeko, jauslekuan utzitako azken
arrastotik oholeraino egindako distantzia horizontala hartuko da kontuan, eta
hori neurtzen da.
– Lehiaketa
bakoitzean hiru aukera daude salto egiteko. Lehiaketan zortzi atleta baino
gehiago egonez gero, eta jauzilaria lehenengo zortzien artean sailkatzen bada,
beste hiru jauzi egin ahal izango ditu.
– Goi-mailako
lehiaketetan, saioa arintzeko, atletak 90 segundo du saiakera bakoitza egiteko,
berariaz deitzen diotenetik zenbatzen hasita.
– Jauzirik
luzeena egiten duenak irabaziko du; berdinketarik badago, bakoitzaren bigarren
jauzira jo behar da irabazlea nor den jakiteko.
Luzera-jauziaren
teknika
Luzera-jauziaren teknika Jauziaren
faseak hauek dira: lasterraldia, oldarra, aireko fasea edo hegaldia eta
erortzea.
1.1 Lasterraldia
Helburuak:
– Oldar-oholera egoki hurbiltzea, lasterra guztiz
neurtuta, orpokatuta.
– Behar den abiadura lineala lortzea, hurrengo
faseari, oldartzeari, ganoraz ekiteko.
– Gorputz-adarrak eta gorputz osoa egoki kokatzea
oldar-ohol gainean daudenean, ahalmenei ahalik eta etekinik handiena ateratzeko, erabiltzen den
teknikaren eta ezaugarri zinematikoen arabera.
Lasterketaren amaieran gorputzak nolako kokapen
orokorra daukan, halakoak izango dira jauziaren hurrengo faseak.
Lasterketaren
teknika
Jauziaren lasterketaren teknika eta
abiadura-lasterketaren teknika desberdinak dira. Jauzi-lasterketa orpokatua
dago eta lasterketaren amaieran jauzi egiteko prestaketa-lana eskatzen du.
Lasterraren teknikaren ezaugarriak hauexek dira:
Orekatua: gorputz-adarrek jauziaren noranzkoan
lerrokatuta egon behar dute, eta haien mugimendua kontrolpean izan behar du atletak:
gauzatzeko modua zabaldu behar da eta grabitate-zentroaren garaiera kontrolatu
(batez ere, oldartzean) eta era homogeneoan eraman.
Enborra zuzen (abiadura-lasterketan baino bertikalago)
eta belaunak ondo altxatu behar dira. Hankek goitik behera egiten duten ekintza
abiadura-lasterketan baino nabarmenagoa izaten da.
Erritmikoa: oldar-oina lurrean jartzerakoan, atletak
ahalik eta abiadura handiena izan dezan. Erritmoa kontrolatzeko
urrats-maiztasuna kontrolatu behar da. Lasterketaren fase bakoitzean aldatuko
da erritmoa, baina beti atletak kontrolatu dezakeen heinean. Kontrol horrek
lasaitasuna dakarkio atletari eta oldar-unerako kontzentrazioa ahalbideratzen
laguntzen dio.
Erritmoa dela eta, grafikoan agertzen diren 3 modu
orokor daude, lasterketa egiteko denak baliagarriak dira, eta, esan bezala,
atletaren ezaugarriei eta nahiei hobeto egokitzen dena erabili behar da.
Lasterketaren
faseak
Luzera jauziaren lasterketan hiru fase bereizi behar
ditugu.
1. Martxan jartzea
Helburua inertzia apurtzea da, eta premiazkoak diren
urrats-zabalera, maiztasuna eta segmentuen kokapena lortzea, orpokaketa egokia
eginez.
Lasterraren hasieran, eskarmentudun atletek nahikoa
dute 6-4 urrats egitea behar den abiadura eta kokapena lortzeko eta hurrengo
fasera pasatzeko.
Prestaketa egiteko hainbat modu daude:
– Geldi, bi oinak batera, erreferentzia-markaren
ondoan.
– Geldi, bulkada-oina erreferentzia-markaren gainean
eta bestea atzean, orekari eusteko.
– Erreferentzia-markarantz oinez hurbiltzea eta
bulkada-oinaz marka bera zapaltzea (ez 4 urrats baino gehiago).
– Erreferentzia-markarantz mugimenduak egitea (trosta,
pauso bikoitza…) eta bulkada-oinaz erreferentzia zapaltzea (baina 4 urrats
baino gehiago ez).
Hastapenetan lehengo biak dira
egokiak eta horiek erabiltzen dira. Hastapenen ostean, tarteko modu hau erabiliko
litzateke: hasieran 3-4 urrats dinamiko egitea, eta, martxan jarri ondoren,
orpokatutako 17-18 urrats (erreferentzia-markatik hasita).
2. Progresioa edo azelerazioa:
Helburuak:
Oholari hurbiltze zinematiko egokia egitea,
segmentuak egokitasunez kokatzea eta aipatutako oreka eta abiadura-baldintzak lortzea. Tarte honen
ezaugarriak hauek dira:
– Atleta helduek 10-12 urrats egiten dituzte; ume eta
gazteek 8 urrats inguru.
– Jauzilari guztiengan nahiko berdintsua da fase hau;
diferentzia lasterketa-teknikan dago.
– Oldarra egin aurretiko 4. urratsean amaitzen da.
Fase honetan ez da parametroen betebehar zorrotzik
eskatu behar. Ziurtatu atleta bera, nahi badu, parametroak aldatzeko gai dela.
Jauzilaria azeleratzen saiatuko da, gehiegizko esfortzurik egin gabe, energia
gastatu gabe.
Jauzilaria abiadura maximoan doanean, luzera ezin
hobea izango du, baina zaila izango da luzera horri eustea.
Ondorioz, jauzilariaren ezaugarriak aztertu beharko
ditugu fase eraginkor hau zuzentasunez eratzeko, lasterketaren erritmoaren
diseinu globala atletari berari eta lasterketa interpretatzeko duen moduari
guztiz egokituta egon dadin.
3. Oldar-prestatzea
Helburua:
Oholera hurbiltze zinematiko egokia egitea.
Segmentuen eta kokatze globala egokiak izatea, lasterketa jauzi bihurtzeko.
Fase honetako ezaugarriak:
– Une esanguratsua da, jauzilarien kontrol- eta
erabakitze-ahalmenak erakusten baititu.
– Oldar-prestaketak sei bat urrats ditu.
– Belaunen altxatze urriagoa egiten da, urratsen luzera
laburtu, eta maiztasuna areagotzeko.
– Ekintza ideala litzateke aldakaren posizio egokia ez
galtzea, luzera mantentzea eta maiztasuna igotzea.
Lasterketako unerik garrantzitsuena da, eta aldaka
tinko izan behar dugu, aurrerantz proiektatu ahal izateko, indartsu eta
egonkor.
Oldarra egiteko bi joera daude:
– Lehenengo joeran, jauzilariek zertxobait handitzen
dute azken-aurreko urratsaren luzera, lasterrekoa baino handiago eginez; azken
urratsa, berriz, laburtu egiten dute. Helburua azken bi urratsen erritmoa handitzea
da. Azken bi urratsen bermeak aldakatik zertxobait aurreratzen dira. Aurre
hartzeari esker, grabitate-zentroa jaitsi egiten da eta oldar-hankaren oina
belaunaren aurretik doa, oholaren bila. Atleta indartsu eta ez oso arinen
teknika ohi da, oldartzea belauneko giltzadurak eratzen duen indarrean oinarritzen
baita. Teknika honi sinking esaten zaio.
– Bigarren joeran, running teknikan,
jauzilariak ez du aldatzen azken bi urratsen luzera, baina maiztasuna handitu
egiten du. Azken hiru bermeak ia-ia aldakaren azpian egiten dira. Oldar-unean
jauzilaria bermearen “gainean” dago eta horren iraupena laburtuko da. Helburua da
indargabetze-fasea laburtuz bermeen bizitasuna handitzea.
Oldarrak lasterketa-urratsaren fase berberak ditu. Lehenengo teknikan, bermea aurreratu egiten da, eta horrek enborra atzeratzen du. Belaunaren tolesdura handiagoa da eta, ondorioz, moteltxoago luzatuko da. Oldarraren irteera (emaitza, jauzia), gorantz egiten da.
Bigarren teknikan, bermea aldakapean egiten da, hankaren
tolesdura urriagoa da, eta oldarraren irteera aurrerantz egiten da.
Azken-aurreko bermeak aldaka aurrerantz bota behar du, oldar-oinaren gainean kokatzeko.
Oldar-hankak lurrarekin duen kontaktua laburra eta
bizia da oldarra, jauzilaria aurrerantz eta gorantz bultzatzen duena. Oldarra oldar-oina lurrean
ezartzerakoan hasten da, eta kontaktu hori galtzean amaitzen da. Oldar-prestatzeko
azpifasearekin ia bat egiten da, jarrai-jarraian doaz biak eta.
Oldarra da jauziaren bigarren gakoa; lasterketarekin lotura zuzena du, eta kausa-ondorio erlazio estua, jarraian eta etengabe gauzatu behar da.
Helburuak:
– Lasterketa jauzi bihurtzea, desplazamendu-baldintzak
aldatzea eta abiadura linealari eustea.
– Grabitate-zentroaren ibilbidea linealetik
parabolikora aldatzea.
– Grabitate-zentroaren hegaldiaren baldintzatzaile
diren angelua eta irteera-abiadura antolatzea.
Ezaugarriak:
Ezaugarriak:
Iraupena aldatu egingo da, erabilitako teknikaren
arabera.
Oldarra egin bitartean, atletaren grabitate-zentroak
erakusten du haren ibilbidea: tarte horretako une bakoitzean abiadura
desberdina izango da, lasterretik dakarren abiadura grabitate-zentroari
igortzen zaion heinean.
Jauzilariaren grabitate-zentroaren garaiera aldatu
egiten da: erdiko fasean dago baxuen eta oldarraren amaieran garaien. Running
teknika erabiliz gero, aldaketak txikiagoak dira.
Lehen kontaktua oinazpiak egiten du, kanpoaldetik
zeharkako arkura joaten da (gorputza bertikalean dagoenean), gero barrualdera,
bulkada-arkura, eta erpurua izango da azken kontaktua.
Oldarraren
zatiak
Bi zati ditu oldarrak: indargabetzea eta bulkada.
- Indargabetzea:
Oina oholean jartzean hasten da, eta belaunak
tolesdurarik handiena izan arte irauten du. Gauzatze zuzenak jauziaren
jarraipena bermatuko du.
- Bulkada:
Indargabetzea amaitzean egiten da bulkada, hau da,
grabitate-zentroa bertikaletik igaro ondoren. Bulkada-hankaren luzaketa
indartsua ahalik eta denbora laburrenean egin behar da.
Hanka libreak ekintza indartsu eta gogotsua egin behar
du, aldakaraino igo (aldaka gainditu gabe) eta aurrera egin.
Besoak lagungarri dira gorako akzioan, orekatuta eta
blokeatuta daude hanka librearen besoaren ukondoa atzeko garaiera maximora
heltzean: sorbaldak ere apur bat gora egiten du. Besoen akzio hori funtsezkoa
da enborrari tinko eusteko eta oldarrean agertu diren indarrek atleta ez
desorekatzeko, baita jauziari eraginkortasuna igortzeko ere.
1.3 Hegaldia
Oldar-oinaren kontaktua galtzen denean hasi, eta oinak
jauslekuan jartzen direnean amaitzen da.
Jauziaren distantzia lasterketaren eta oldar-uneko
bulkadaren bidez irabazten da; aireko faseak ez du lor daitekeen distantzia
handituko, baina aireko fasea gaizki garatzen bada, jauziaren luzera asko labur
daiteke. Hegaldiaren iraupena eta ibilbidea hasierako abiaduraren eta
proiekzio-angeluaren menpe daude.
Helburuak:
– Oldartzean eratutako errotazioei atxikitzea, oreka
mantentzeko.
– Segmentu eta gorputz guztia egokitzea,
grabitate-zentroaren parabola onena lortzeko.
– Hareatzan izango duen kontaktua prestatzea.
Aireko fasearen zatiak:
- Aireratzea:
Oldar-fasearen aireko jarraipena izan beharko luke. Une
batez, atletak bulkada-tandemaren gauzatze zuzenari eutsi behar dio,
grabitate-zentroa aurreko etapetan lortutako angelu eta abiaduran proiektatuko
delako. Hala ere, abiadura hori galduz joan da oldarrean eta prestaketan, eta
horregatik une hau oso desberdina izaten da jauzilari eta jauzi bakoitzean.
Hurrengo mugimenduak prestatu eta eginbeharrei
aurrea hartu behar die atletak, aukeratutako esekidura-teknikaren
arabera.
Esekidura:
Atletak gorputz-atalen lehen mugimendu handia egiten
duenean hasten da. Grabitate-zentroaren garaiera eta ibilbide handiena lortzen
da.
Jauzilariek egin ditzaketen mugimenduak 3 multzotan
sailkatzen dira:
A multzoa: Estilo naturala. Oinarrizko teknika eta
hastapenetarako erabilgarria, nahiz eta gerora ere zenbait atletak marka
bikainak lortu.
Oldarra egin ondoren, hanka libreak
airean jarraitu behar du; bulkada-hankak ekintza osatzen duenean, aurrera
eraman behar da, eta hanka biak batu. Posizio horretan translazioa egiten da,
eta erortzea prestatzen da.
B multzoa: Luzatze-jauzia da. Oldarra egin, eta bulkada guztiz osatu ondoren, hanka libreak jaitsi eta atzera egiten du, oldar-hankarekin batzeko. Alboz ikusita, aldakak sorbaldekiko aurreratzen dira, eta oinak belaunen atzean daude.
C multzoa: Segmentuen mugimenduak
nagusi dira enborrekoekin alderatuz edo guraizea. Airean urratsak egiten dira,
mugimendu horri “hitch-kick” esaten zaio.
Atleten premia mekanikoei erantzuna emateko eta luzera
handiak lortzeko erabiltzen da. Aurreko ekintzen kalitate ona,
espazio-denboraren pertzepzioa, egokitzapen fisiko onena eta orekaren eta segmentuen mugimendu gorenak
eskatzen ditu; horregatik, marka onenak dituzten atletek estilo hau erabiltzen
dute.
1.4 Erorketa:
Oinak harea ukitzerakoan hasten da. Araudia dela eta
(arrasto-markatik neurtuko da jauzia), komeni da oreka marka horren atzetik
berreskuratzea.
Helburuak:
– Oinek harea ahalik eta urrunen ukitzea,
grabitate-zentroaren ibilbide teorikoaren lerroan.
– Abiadura moteltzea, lesioak ekiditeko.
– Kontaktua orpoekin egitea, aldakak puntu horretara
heldu daitezen edo harago.
Orpoekin egiten da kontatua, eta hanka biak denbora
berean. Lurra atletarengana hurbiltzen dela ematen du, eta ez atleta lurrera.
Besoak aurrerantz eraman behar dira beti. Hanken arteko zabaleraren arabera,
hainbat lur-ukitzeko teknika daude.
Lurreratzea ondo eginez gero, gorputza arrastotik
urrundu, eta berrorekatze zuzena ahalbidera daiteke.
Oinak batera eramatea edo oinak zabalik eramatea. Beste
aukera bat da, aldakak orpoetara hurbiltzeko belaunak apur bat tolestu ondoren,
haien bultzada bizkorra eta gora eginez
harea atera, aldakak bertan sartzeko asmoz.
LUZERA JAUZIKO OHIKO AKATSAK
Lasterketan
- Orpoketa ez doia egitea:
jauziaren zati bat galtzea, huts egitea edo, are gehiago, okerreko oinarekin
heltzea oldarrera.
- Azken urratsetan abiadura galtzea.
- Azken urratsetan aldaketak egitea, urratsa laburtuz
nahiz luzatuz; huts egitea saihesteko edo ohola topatzeko.
- Erritmo falta izatea eta urrats ez-homogeneoak
egitea.
- Progresioa ezegokia izatea.
Oldarrean
- Hasierako urratsak luzeegi egitea.
- Oholera orpoz heltzea.
- Bulkada lurrera begira egitea.
- Tandem-akzioari denborarik ez ematea.
- Bulkadan enborra oker kokatzea.
- Hanken eta besoek koordinaziorik ez egitea.
- Oldar-hankaren bulkada (luzaketa) osoa ez egitea.
Hegaldia
- Oreka galtzea; normalean bulkadan egindako
akatsengatik.
- Airean, enborra gehiegi aurreratzea.
- Hanken eta besoen arteko mugimenduak ez koordinatzea;
normalean behar ez diren uzkurdurengatik.
Erorketa
- Erortzea behar baino lehenago izatea, oinen
akzioengatik.
ARIKETAK:
1. Gutxi gora
behera 30 cm ko hesiak jarrita eta beraien artean 7 bat oin eta nesken kasuan 6jarrita, ikasleak
lasterketa bat egingo dut hauen gainetik jauzi eginez, baina bi pauso egin eta
hanka berdinarekin egin beharko dute jauzi hesi guztietan. Inpultso hanka erabat extentsionatuta edukiz eta eskuan goran.Ariketa hau oldar hanka zein den jakiteko egingo da.
2. Pausu bakar
batean egiten duten ikasleak beste
zirkuitu batera pasatuko dira. Oraingoan hesiak urrunago egongo baina hauek ere
bi pausutan eta hanka berarekin pasatu beha dira.
3. Oraingoan uztai batzuk jarriko ditugu distantzia ezberdinetara, geroz eta urrutiago. Ikasleak lasterka joan eta marrara iristean uztai barrura egin beharko dute jauzi hanka batekin. Horrela jauzi bakoitzean uztai ezberdinetara eta geroz eta urrunago jauzi eginez.
6. Lasterketa txiki bat eginez oldarra hanka onarekin egingo dugu eta gero eroketa hanka berarekin amaituko dugu.
7. Luzera jauziko erorketan ez gara ipurdiz eroriko, aurrena hankak eta ipurdiarekin ukituko dugu area eta gero hankan estentsionatuko ditugu. Hau jakinda erorka simulatuko dugu hondarrean zuzenean egin beharrean koltxoneta baten gainaera jauzi eginez.
ARIKETA GEHIAGO
http://www.youtube.com/watch?v=OEQk_Tr0jgM
http://www.youtube.com/watch?v=10kYfO-DBsA
http://www.youtube.com/watch?v=xvhs_RLg4vU
4. Orain jada hondarrera egingo dute jauzi
inpultsorik gabe eta bi hankekin batera jauzi eginez. Jauzi hau geroz eta urrunago egiten saituko gara.
5. Orain lasterketa motz batekin egingo dugu jauzi bera.
6. Lasterketa txiki bat eginez oldarra hanka onarekin egingo dugu eta gero eroketa hanka berarekin amaituko dugu.
7. Luzera jauziko erorketan ez gara ipurdiz eroriko, aurrena hankak eta ipurdiarekin ukituko dugu area eta gero hankan estentsionatuko ditugu. Hau jakinda erorka simulatuko dugu hondarrean zuzenean egin beharrean koltxoneta baten gainaera jauzi eginez.
8. Jauzia jada hondarrera eroriz praktikatuko dugu.
9. Jauzi handiago egiteko eta gorantz egiteko urrunago salto egiteko, altuera batean dagoen globo bat ukitzen saituko dira.
10. Jada jauzia osorik egingo dute, bejar diren pausoekin, marra ukitu gabe eta hondarrera eroriz.
11. Jauzi osoa egindakoan hegaldi ezberdinak probatuko dituzte eta beraientzako hoberena dena aukeratuko dute ahalik eta gehien saltatzeko helburuarekin.
ARIKETA GEHIAGO
http://www.youtube.com/watch?v=OEQk_Tr0jgM
http://www.youtube.com/watch?v=10kYfO-DBsA
http://www.youtube.com/watch?v=xvhs_RLg4vU
iruzkinik ez:
Argitaratu iruzkina